मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

नमस्कार मित्रांनो! yugmarathi.com वर आपणा सर्वांचे खूप मनापासून स्वागत. मित्रांनो आपल्या हिंदुधर्मीय कार्यक्रमांमध्ये आरत्या गाऊन आपण भगवंताचे नामस्मरण करत असतो. सत्यनारायाणची पूजा, गणेशोत्सव, नवरात्र अशा उत्सवांमध्ये या आरत्यांचे महत्त्व अधिकच. यातीलच काही प्रमुख आरत्या खाली दिल्या आहेत.

हेही वाचा: गणपती स्तोत्र मराठी l Ganpati Stotra in Marathi

सुखकर्ता दु:खहर्ता गणपती आरती I Sukhakarta Dukhaharta Ganpati Aarti

सुखकर्ता दुःखहर्ता वार्ता विघ्नाची ।
नुरवी पुरवी प्रेम कृपा जयाची ॥
सर्वांगी सुंदर उटि शेंदुराची ।
कंठी झळके माळ मुक्ताफळांची ॥१॥
जय देव जय देव जय मंगलमूर्ती ।
दर्शनमात्रे मनकामना पुरती ॥ध्रु०॥

रत्नखचित फरा तुज गौरीकुमरा ।
चंदनाची उटी कुंकुमकेशरा ॥
हिरेजडीत मुकुुट शोभतो बरा ।
रुणझुणती नूपरें चरणीं घागरिया ॥ जय० ॥२॥

लंबोदर पीतांबर फणिवरबंधना ।
सरळ सोंड वक्रतुंड त्रिनयना ॥
दास रामाचा वाट पाहे सदना ।
संकटीं पावावें निर्वाणीं रक्षावें सुरवर वंदना॥ जय ० ॥ ७ ॥

जय देव जय देव जय मंगलमूर्ती ।
दर्शनमात्रे मनकामना पुरती ॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

नाना परिमळ गणपती आरती l Nana Parimal Ganapati Aarati

नाना परिमळ दुर्वा शेंदुर शमिपत्रें ।
लाडू मोदक अन्ने परिपूरित पात्रें ।
ऐसें पूजन केल्या बीजाक्षर मंत्रें ।
अष्टहि सिद्धि नवनिधि देसी क्षणमात्रें ॥१॥
जय देव जय देव जय मंगलमूर्ति ।
तुझे गुण वर्णाया मज कैंची स्फुर्ती ॥धृ॥

तुझे ध्यान निरंतर जे कोणी करिती ।
त्यांचीं सकलहि पापें विघ्नेंही हरती ।
वाजी वारण शिबिका सेवक सुत युवती ।
सर्वहि पावुनि अंतीं भवसागर तरती ॥२॥ जय देव

शरणागत सर्वस्वें भजती तव चरणीं ।
किर्ति तयांची राहे जोवर शशितरणी ।
त्रैलोक्यीं ते विजयी अद्भुत हे करणी ।
गोसावीनंदन रत नामस्मरणीं ॥३॥ जय देव..

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्री शंकराची आरती l Lavathavati Vikrala Shankarachi Aarati

लवथवती विक्राळा ब्रह्मांडी माळा ।

विषें कंठ काळा त्रिनेत्री ज्वाला ।

लावण्यसुंदर मस्तकी बाळा ।

तेथुनिया जळ निर्मल वाहे झुळझुळां ।।

जय देव जय देव जय श्रीशंकरा

आरती ओवाळू तुज कर्पुरगौरा ।।१।।

कर्पुरगौरा भोळा नयनी विशाळा ।

अर्धांगी पार्वती सुमनांच्या माळा ।

विभूतीचे उधळण शीत कंठ निळां

ऐसा शंकर शोभे उमावेल्हाळा ।।

जय देव जय देव जय श्रीशंकरा ।।२।।

देवीं दैत्यीं सागरमंथन पैं केलें ।

त्यामाजी अवचित हलाहल जें उठिलें ।

ते त्वां असुरपणे प्रशान केलें ।

नीलकंठ नाम प्रसिद्ध झालें ||

जय देव जय देव जय श्रीशंकरा ।।३।।

व्याघ्रांबर फणिवरधर सुंदर मदनारी ।

पंचानन मनमोहन मुनिजन सुखकारी ।

शतकोटीचे बीज वाचे उच्चारी ।

रघुकुळटिळक रामदास अंतरीं ।।

जय देव जय देव जय श्रीशंकरा ।।४।।

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

हेही वाचा: सुखकर्ता दु:खहर्ता संपूर्ण गणपती आरती I Sukhakarta Dukhaharta full Ganpati Aarti

 

श्री दुर्गादेवीची आरती l Durge Durghat Bhari Durgadevichi Aarati

दुर्गे दुर्घट भारी तुजविण संसारी ।

अनाथनाथे अंबे करुणा विस्तारी ।

वारी वारी जन्ममरणाते वारी ।

हारी पडलो आता संकट निवारी ।। १ ।।

जय देवी जय देवी महिषासुरमथनी ।

सुरवरईश्वर-वरदे तारक संजीवनी ।।

जय देवी जय देवी ।। धृ० ।।

त्रिभुवन भुवनी पहाता तुज ऐसी नाही ।

चारी श्रमले परंतु न बोलवे काही ।

साही विवाद करिता पडले प्रवाही ।

ते तू भक्तालागी पावसी लवलाही ।। २ ।।

प्रसन्नवदने प्रसन्न होसी निजदासां ।

क्लेशांपासुनी सोडवी तोडी भवपाशा ।

अंबे तुजवाचून कोण पुरवील आशा ।

नरहरि तल्लीन झाला पदपंकजलेशा ।। ३ ।।

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्रीमहालक्ष्मीची आरती l Mahalakshmichi Aarati

जयदेवी जयदेवी जय महालक्ष्मी

वससी व्यापकरुपे तू स्थुलसुक्ष्मी ॥धृ॥

करविरपुरवासिनी सुरवरमुनि-माता

पुरहरवरदायिनी मुरहरप्रियकांता

कमलाकरे जठरी जन्मविला धाता

सहस्त्रवदनी भूधर न पुरे गुण गाता ॥१॥

मातुलिंग गदा खेटक रविकिरणीं

झळके हाटकवाटी पीयुषरसपाणी

माणिकरसना सुरंगवसना मृगनयनी

शशिकरवदना राजस मदनाची जननी ॥२॥

तारा शक्ति अगम्या शिवभजकां गौरी

सांख्य म्हणती प्रकृती निर्गुण निर्धारी

गायत्री निजबीजा निगमागम सारी

प्रगटे पद्मावती निजधर्माचारी ॥३॥

अमृत-भरिते सरिते अघदुरितें वारीं

मारी दुर्घट असुरां भव दुस्तर तारीं

वारी मायापटल प्रणमत परिवारी

हे रुप चिद्रुप तद्रुप दावी निर्धारी ॥४॥

चतुरानने कुत्सित कर्माच्या ओळी

लिहिल्या असतील माते माझे निजभाळी

पुसोनि चरणातळी पदसुमने क्षाळी

मुक्तेश्वर नागर क्षीरसागरबाळी ॥५॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्री दत्ताची आरती l Trigunatmak Traimurti Dattachi Aarati

त्रिगुणात्मक त्रिमूर्ती दत्ता हा जाणा |

त्रिगुणी अवतार त्रैलोक्यराणा |

नेती नेती शब्द नये अनुमाना |

सुरवर मुनिजन योगी समाधी न ये ध्याना ||१||

जय देव जय देव जय श्रीगुरुदत्ता |

आरती ओवाळीतां हरिली भवचिंता ||धृ||

सबाह्य अभ्यंतरी तूं एक दत्त |

अभ्याग्याशी कैंची कळेल हि मात |

पराही परतली तेथें कैचा हेत |

जन्ममरणाचा पुरलासे अंत ||२||

जय देव जय देव जय श्रीगुरुदत्ता |

दत्त येउनिया उभा ठाकला |

सद्भावें साष्टांगे प्रणिपात केला |

प्रसन्ना होऊनी आशीर्वाद दिधला |

जन्ममरणाचा फेरा चुकविला ||३||

जय देव जय देव जय श्रीगुरुदत्ता

दत्त दत्त ऐसें लागले ध्यान |

हरपलें मन झालें उन्मन |

मीतुं पणाची झाली बोळवण |

एका जनार्दनी श्रीदत्तध्यान ||४||

जय देव जय देव जय श्रीगुरुदत्ता

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

हेही वाचा: शिवरायांची आरती l Shivarayanchi aarati l Aarati of Shivaji Maharaj in Marathi

 

श्री पांडुरंगाची आरती l Yuge Atthavis Pandurangachi Aarati

युगें अठ्ठावीस विटेवरी उभा |

वामांगी रखुमाई दिसे दिव्या शोभा |

पुंडलिकाच्या भेटी परब्रह्मा आले गा |

चरणी वाहे भीमा उद्धरी जागा ||१||

जय देव जय देव पांडुरंग

रखुमाई वल्लभा राहीच्या वल्लभा पावें जिवलगा ||धृ||

तुळसीमाळा गळां कर ठेवुनी कटी |

कसे पितांबर कस्तुरी लल्लाटी |

देव सुरवर नित्य येती भेटी |

गरुड हनुमंत पुढें उभे राहती ||

जय देव जय देव पांडुरंग ||२ ||

धन्य वेणुनाद अनुक्षेत्रपाळा |

सुवर्णाची कमळे वनमाळा गळां |

राई रखुमाबाई राणीया सकळा |

ओवाळिती राजा विठोबा सावळा |

जय देव जय देव पांडुरंग ||३||

ओवाळूं आरत्या कुर्वंड्या येती |

चंद्रभागेमाजी सोडुनिया देती |

दिंड्या पताका वैष्णव नाचती |

पंढरीचा महिमा वर्णावा किती ||

जय देव जय देव पांडुरंग ||४||

आषाढी कार्तिकी भक्तजन येती

चंद्रभागेमध्ये स्नाने जे करिती

दर्शनहेळामात्रे तयां होय मुक्ती

केशवासी नामदेव भावें ओवाळिती

जय देव जय देव पांडुरंग ||५||

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्री विठोबाची आरती l Yei Ho Vitthale Vithobachi Aarati

येई हो विठ्ठले माझे माऊली ये ॥

निढळावरी कर ठेऊनी वाट मी पाहे ॥ धृ. ॥

आलिया गेलीया हातीं धाडी निरोप ॥

पंढरपुरी आहे माझा मायबाप ॥ १ ॥

येई हो विठ्ठले माझे माऊली ये ॥

पिंवळा पीतांबर कैसा गगनी झळकला ॥

गरुडावरी बैसून माझा कैवारी आला ॥ २ ॥

येई हो विठ्ठले माझे माऊली ये ॥

विठोबाचे राज आम्हां नित्य दिपवाळी ॥

विष्णुदास नामा जीवेंभावे ओंवाळी ॥ ३ ॥

येई हो विठ्ठले माझे माऊली ये ॥

असो नसो भाव आम्हां तुझिया ठायां

कृपादृष्टी पाहें माझ्या पंढरीराया

येई हो विठ्ठले माझे माऊली ये ॥ ४ ॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्री  रामाची  आरती l Utkat Sadhuni Shila Shriramachi Aarati

उत्कट साधुनी शिळा सेतू बांधोनी ।

लिंगदेह लंकापुरी विध्वंसूनी ।

कामक्रोधादिक राक्षस मर्दूनी ।

देह अहंभाव रावण निवटोनी ।। १ ।।

जय देव जय देव निजबोधा रामा ।

परमार्थे आरती, सद्‍भावे आरती, परिपूर्णकामा ।। धृ।।

प्रथम सीताशोधा हनुमंत गेला ।

लंका दहन करुनी अखया मारिला ।

मारिला जंबुमाळी भुवनी त्राहाटिला ।

आनंदाची गुढी घेऊनिया आला ।। २ ।।

निजबळे निजशक्ति सोडविली सीता ।

म्हणुनी येणे झाले अयोध्ये रघुनाथा ।

आनंदे ओसंडे वैराग्य भरता ।

आरती घेऊनी आली कौसल्यामाता ।। ३ ।।

अनाहतध्वनि गर्जती अपार ।

अठरा पद्मे वानर करिती भुभुःकार ।

अयोध्येसी आले दशरथकुमार ।

नगरीं होत आहे आनंद थोर ।। ४ ।।

सहजसिंहासनी राजा रघुवीर ।

सोऽहंभावे तया पूजा उपचार ।

सहजांची आरती वाद्यांचा गजर ।

माधवदास स्वामी आठव ना विसर ।। ५ ।।

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

हेही वाचा: गणपती अथर्वशीर्ष l Ganpati Atharvashirsh in Marathi

 

श्री हनुमंताची आरती l Satrane Uddane Hanumantachi Aarati

सत्राणें उड्डाणें हुंकार वदनी |

करि डळमळ भूमंडळ सिंधुजळ गगनीं |

कडाडिले ब्रम्हांड धाके त्रिभुवनी |

सुरवर नर निशाचर त्या झाल्या पळणी ||१||

जय देव जय देव जय श्रीहनुमंता

तुमचेनी प्रसादें न भी कृतांता ||धृ||

दुमदुमलें पाताळ उठिला प्रतिशब्द |

थरथरला धरणीधर मनिला खेद |

कडाडिले पर्वत उड़गण उच्छेद |

रामी रामदास शक्तीचा शोध ||2||

जय देव जय देव जय श्रीहनुमंता ||

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

दशावताराची आरती l Aarati Saprem Dashavatarachi Aarati

आरती सप्रेम जय जय विठ्ठल परब्रह्म ।

भक्तसंकटी नानास्वरूपीं स्थापिसी स्वधर्म ॥ धृ. ॥

अंवऋषी कारणे गर्भवास सोशीसी ।
वेद नेले चोरुनि ब्रह्मा आणुनिया देसी ।
मत्स्यरुपीं नारायण सप्तहि सागर धुंडीसी ।
हस्त लागतां शंखासुरा तुझा वर देसी ॥ १ ॥

रसा तळाशी जातां पृथ्वी पाठीवर घेसी ।
परोपकारासाठी देवा कांसव झालासी ॥
दाढें धरुनी पृथ्वी नेता वराहरुप होसी ।
प्रल्हादा कारणे स्तंभी नरहरि गुरगुरसी ॥ २ ॥

पांचवे अवतारी बळिच्या द्वाराला जासी ।
भिक्षे स्थळ मागुनी बळिला पाताळी नेसी ॥
सर्व समर्पण केले म्हणउनि प्रसन्न त्या होसी ।
वामनरूप धरूनी बळिच्याद्वारी तिष्ठसी ॥ ३ ॥

सहस्त्रार्जुन मातला जमंदग्नीचा वध केला ।
कष्टी ते रेणुका म्हणुनी सहस्रार्जुन वधिला ॥
नि:क्षत्री पृथ्वी दान दिधली विप्राला ।
सहावा अवतार परशुराम प्रगटला ॥ ४ ॥

मातला रावण सर्वा उपद्रव केला ।
तेहतिस कोटी देव बंदी हरलें सीतेला ॥
पितृवचना लागीं रामें वनवास केला ।
मिळोनी वानर सहित राजाराम प्रगटला ॥ ५ ॥

देवकी वसुदेव बंदी मोचन त्वां केलें ।
नंदाघरि जाऊन निजसुख गोकुळा दिधले ॥
गोरसचोरी करिता नवलक्ष गोपाळ मिळविले ।
गोपिकांचे प्रेम देखुनि श्रीकृष्ण भुलले ॥ ६ ॥

बौद्ध कलंकी कलियुगी झाला अधर्म हा अवघा ।
सांडुनि नित्यधर्म सोडुनि नंदाची सेवा ॥
म्लेंच्छमर्दन करिसी म्हणुनी कलंकी केशवा ।
बहिरवि जान्हवि द्याचि निजसुखा नंदसेवा ॥ ७ ॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

साईबाबांची आरती l Aarati Saibaba Saibabanchi Aarati

आरती साईबाबा । सौख्यदातार जीवा।

चरणरजातली । द्यावा दासा विसावा, भक्ता विसावा ।। आ०।।ध्रु ०।।

जाळुनियां अनंग। स्वस्वरूपी राहेदंग ।

मुमुक्षूजनां दावी । निज डोळा श्रीरंग ।। आ०।। १ ।।

जयामनी जैसा भाव । तया तैसा अनुभव ।

दाविसी दयाघना । ऐसी तुझीही माव ।। आ०।। २ ।।

तुमचे नाम ध्याता । हरे संस्कृती व्यथा ।

अगाध तव करणी । मार्ग दाविसी अनाथा ।। आ०।। ३ ।।

कलियुगी अवतार । सगुण परब्रह्मः साचार ।

अवतीर्ण झालासे । स्वामी दत्त दिगंबर ।। द०।। आ०।। ४ ।।

आठा दिवसा गुरुवारी । भक्त करिती वारी ।

प्रभुपद पहावया । भवभय निवारी ।। आ०।। ५ ।।

माझा निजद्रव्यठेवा । तव चरणरज सेवा ।

मागणे हेचि आता । तुम्हा देवाधिदेवा ।। आ०।। ६ ।।

इच्छित दिन चातक। निर्मल तोय निजसुख ।

पाजावे माधवा या । सांभाळ आपुली भाक ।। आ०।। ७ ।।

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

ज्ञानराजा आरती l Aarati Dnyanaraja

आरती ज्ञानराजा | महाकैवल्यतेजा |
सेविती साधुसंत || मनु वेधला माझा || आरती || धृ ||

लोपलें ज्ञान जगी |हित नेणती कोणी |
अवतार पांडुरंग |नाम ठेविले ज्ञानी || १ || आरती || धृ ||

कनकाचे ताट करी | उभ्या गोपिका नारी |
नारद तुंबर हो ||साम गायन करी || २ || आरती || धृ ||

प्रकट गुह्य बोले |विश्र्व ब्रम्हाची केलें |
रामजनार्दनी | पायी मस्तक ठेविले |
आरती ज्ञानराजा | महाकैवल्यतेजा || सेविती || ३ ||

 

आरती तुकारामा l Aarati Tukarama

आरती तुकारामा | स्वामी सद्गुरुधामा |

सच्चिदानंद मूर्ती | पायी दाखवीं आम्हां || धृ ||

राघवें सागरांत | जैसे पाषाण तारिले |

तैसे हे तुकोबाचे | अभंग उदकीं रक्षिले | आरती || १ ||

तुकितां तुलनेसी | ब्रम्ह तुकासी आलें |

म्हणोनी रामेश्वरें | चरणी मस्तक ठेविलें || आरती तुकारामा || २ ||

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

श्रीसत्यनारायणाची आरती l Jay Jay Dinadayala Satyanarayanachi Aarati

जय जय दीनदयाळा सत्यनारायण देवा |

पंचारति ओंवाळू श्रीपति तुज भक्तिभावा || धृ ||

विधियुक्त पूजुनी करिती पुराण श्रवण

परिमळद्रव्यांसहित पुष्पमाळा अर्पून |

घृतयुत्क शर्करामिश्रींत गोधूमचूर्ण |

प्रसाद भक्षण करिता प्रसन्न तू नारायण || १ |

शातानंदविप्रें पूर्वी व्रत हें आचरिलें |

दरिद्र दवडुनि अंती त्यातें मोक्षपदा नेलें ||

त्यापासूनि हे व्रत या कलियुगीं सकळां श्रुत झालें |

भावार्थे पूजितां सर्वा इच्छित लाधलें || २ ||

साधुवैश्यें संततिसाठी तुजला प्रार्थियलें |

इच्छित पुरतां मदांध होऊनि व्रत न आचरिलें |

त्या पापानें संकटी पडुनी दु:खहि भोगिलें |

स्मृति होउनि आचरितां व्रत त्या तुवांचि उध्दरिलें  || ३ ||

प्रसाद विसरुनि पतिभेटीला कलावती गेली |

क्षोभ तुझा होतांचि तयाची नौका बुडाली |

अंगध्वजराजाची यापरि दु:खस्थिती आली |

मृतवार्ता शतपुत्रांची सत्वर कर्णी परिसली || ४ ||

पुनरपि पूजुनि प्रसाद ग्रहण करितां तत्क्षणी |

पतिची नौका तरली देखे कलावती नयनीं |

अंगध्वजरायासी पुत्र भेटति येऊनि |

ऐका भक्तां  संकटि पावसि तुं चक्रापाणी || ५ ||

अनन्यभावे पूजुनि हें व्रत जे जन आचरति |

इच्छित पुरविसी त्यातें देउनि संतति संपत्ती |

संहरती भवदुरितें सर्वहि बंधने तुटती |

राजा रंका समान मानुनि पावसि श्रीपती || ६ ||

ऐसा तव व्रतमहिमा अपार वर्णू मी कैसा ||

भक्तीपुरस्सर आचरति त्यां पावसि जगदीशा |

भक्तांचा कनवाळू कल्पद्रुम तुं सर्वेशा |

मोरेश्वरसुत वासुदेव तुज विनवी भवनाशा ||

जय जय दीनदयाळा सत्यनारायण देवा  || ७ ||

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

धन्य धन्य हो प्रदक्षिणा l Dhanya Dhanya Ho Pradakshina

धन्य धन्य हो प्रदक्षिणा सद्गुरुरायाची।

झाली त्वरा सुरवरां विमान उतरायाची।। धृ.।।

पदोपदी अपार झाल्या पुण्याच्या राशी।

सर्वही तीर्थे घडली आम्हा आदिकरुनि काशी।। १।।

मृदुंग टाळ ढोल भक्त भावार्थे गाती।

नामसंकीर्तने ब्रह्मानंदे नाचती।। २।।

कोटि ब्रह्महत्या हरिती करितां दंडवत।

लोटांगण घालिता मोक्ष लोळे पायात।। ३।।

गुरुभजनाचा महिमा न कळे आगमानिगमांसि।

अनुभव जे जागति ते गुरुपदिचे अभिलाषी।। ४।।

प्रदक्षिणा करूनि देह भावे वाहिला।

श्रीरंगात्मज विठ्ठल पुढे उभा राहिला।। ५।।

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

निरोप आरती l Jahale Bhajan Nirop Aarati

जाहले भजन आम्ही नमितो तव चरण ।

वारुनिया विघ्ने देवा रक्षावे दीना ॥धृ॥

दास तुझे आम्ही देवा तुजलाची ध्यातो

प्रेमे करुनिया देवा गुण तुझेची गातो ॥१॥

तरी द्यावी सिद्धी देवा हेची वासना, देवा हेची वासना

रक्षुनियां सर्वां द्यावी आम्हासी आज्ञा ॥२॥

मागणे ते देवा एकची आहे आता एकची आहे

तारुनियां सकळां आम्हां कृपादृष्टी पाहे ॥३॥

जेव्हां सर्व आम्ही मिळूं ऐशा या ठाया ऐशा या ठाया

प्रेमानंदे लागू तुझी कीर्ति गावया ॥४॥

सदा ऐशी भक्ति राहो आमुच्या मनी देवा आमुच्या मनी

हेची देवा तुम्हा असे नित्य विनवणी ॥५॥

वारुनिया संकटॆ आता आमुची सारी आता आमुची सारी

कृपेची सा‌ऊली देवा दीनावरि करी ॥६॥

निरंतर आमुची चिंता तुम्हां असावी चिंता तुम्हा असावी

आम्हां सर्वांची लज्जा देवा तुम्ही रक्षावी ॥७॥

निरोप घेता आता आम्हा आज्ञा असावी देवा आज्ञा असावी

चुकले आमचे काही त्याची क्षमा असावी ॥८॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

घालीन लोटांगण l Ghalin Lotangan

घालीन लोटांगण वंदीन चरण ।

डोळ्यांनी पाहिन रुप तुझे ॥

प्रेमें आलिंगिन आनंदे पूजीन ।

भावें ओवाळिन म्हणे नामा ॥१॥

त्वमेव माता च पिता त्वमेव

त्वमेव बंधुश्च सखा त्वमेव ।

त्वमेव विद्या द्रविडं त्वमेव

त्वमेव सर्वं मम देवदेव ॥२॥

कायेन वाचा मनसेन्द्रियैवा

बुद्धयात्मना वा प्रकृतिस्वभावात ।

करोमि यद्यत्सकलं परस्मै

नारायणायेति समर्पयामि ॥३॥

अच्युतं केशवं रामनारायणं

कृष्णदामोदरं वासुदेवं हरिम् ।

श्रीधरं माधवं गोपिकावल्लभं

जानकीनायकं रामचंद्रं भजे ॥४॥

हरे राम हरे राम राम राम हरे हरे ।

हरे कृष्ण हरे कृष्ण कृष्ण कृष्ण हरे हरे ॥५॥

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi

 

मंत्र पुष्पांजलि l Mantra Pushpanjali

ॐ यज्ञेन यज्ञमयजन्त देवास्तानि धर्माणि प्रथमान्यासान्।

ते ह नाकं महिमान: सचंत।

यत्र पुर्वे साध्या: संति देवा:।

ॐ राजाधिराजाय प्रसह्यसाहिने नमो वयं वैश्रवणाय कुर्महे।

स मे कामान् कामकामाय मह्यं कामेश्वरो वैश्रवणो ददातु।

कुबेराय वैश्रवणाय महाराजाय नम:।

ॐ स्वस्ति साम्राज्यं भौज्यं स्वाराज्यं वैराज्यं पारमेष्ठ्यं राज्यं

माहाराज्यमाधिपत्यमयं समंतपर्या ईस्यात सार्वभौम: सार्वायुष आंतादापरार्धात्।

पृथिव्यै समुद्रपर्यताया एकराळिती।

तदप्येषश्लोकोऽभिगीतो मरुत: परिवेष्टारो मरुत्तस्सावसन् गृहे।

आविक्षितस्य कामप्रेर्विश्वेदेवा: सभासद इति॥

हेही वाचा: पसायदान एक विश्वप्रार्थना l Pasayadan a universal prayer in Marathi

मराठी आरती संग्रह l गणपती आरती l Marathi Aarati Sangrah l Ganpati Aarati in Marathi